Bai. Bilbon eragile ugari murgilduta daude etxe kaleratzeen kontrako borrokan eta horietako askorekin harremana zuzena eta lan komun bat aurrera eraman dugu lau urte hauetan. Kaleratzeak saihesteko edota etxetik kaleratutakoei babesa emateko eta Udal Etxebizitzak-en aterpea bilatzeko ondorengo elkarte hauekin egin dugu lan: Stop Kaleratzeak-ekin, Errekalden Kaleratzerik Ez plataformarekin (eurek auzoan landutako mozio bat eraman genuen 2014ko martxoko Udalbatzarrera), Otxarkoagako plataformarekin, Santutxukoarekin (Lidon kaleko bizilagunekin), etxe kaleratzearen aurka Auzo Elkarteen Federazioak duen bulegoarekin, langabetu batzarrekin, SOS Arrazakeriarekin eta Posada de los abrazos elkartearekin. Gure bulegoa beti egon da zabalik etxegabetxeen kontra borrokatzen duten guztientzat batera jotzeko. Eta lan bateratu honi esker etxetik kaleratutako hainbat lagun Udal Etxebizitzak-en kokatu ditugu.