Eskerrik asko Maria zure galderagatik. Zuk diozun bezala, egun drogekin dagoen tratamendu ezberdindua zentsugabea da, eta horregatik pausoak eman behar direla uste dugu. Beste herrialde batzuetako esperientziek (Uruguaikoa, adibidez) erakutsi duten moduan, legeztatzearen emaitzak positiboak izaten ari dira eta horregatik hemen ere norabide berdinean kokatu beharko genuke gaia. Emaitza positibo horien adibide batzuk ematearren handia izan da dirudienez legeztatzearen ondorioz lortu den zerga bilketa. Negozio berrien irekiera suposatu du ere, eta auzi judizialetan gastuak aurreztu dira nabarmen. Dakizun bezala, norabide horretan, EHBildu Donostian hasi da Euskal Herrian aitzindariak diren pausoak ematen, onartu berri den kannabis lokalen araudiarekin. Seguru nago araudi horrek emaitza onak izango dituela ere.