Jaurlaritzak baloratu beharko du zehatz mehatz zein tarte geratzen zaion lege horren barruan;  hala eta guztiz ere, lege guztiek dute interpretaziorako tarte bat eta hori jarrera kontua izaten da; ezberdina da lege bati jarrera gogor edo ezkor batekin aurre egitea, edo gizartearekiko jarrera baikor batez lege honi aurre egitea.

Ez da bakarrik aipatzen duzun legea; horri Kode Penala ere erantsi behar zaio, eta baita beste hainbat lege ere. Alderdi Popularraren ideologia oso eskuinean da, horrek adierazi nahi du gauza batzuk beste batzuen gainetik baloratzen dituela, eta zentzu horretan pertsonaren askatasunak sufritu egingo du.