Oihana Etxebarrieta, Gasteizko legebiltzarkidea (EHBildu).

Hondarribian jaio nintzen 1987an. Kazetaritza ikasketak egin nituen EHUn eta jarraian Haur Hezkuntzako diplomatura burutu nuen. Ikasketa “formalei” dagokienez, Ikasketa Feministak eta Generokoak masterra azpimarratuko nuke, nire militantziaren eta unibertsitatearen arteko zubia izan delarik.

Gaztetxotatik herri mugimenduan murgildua, ikasle mugimendua eta mugimendu feminista izan dira nire bi ardatz nagusiak. Euskal Herriko Bilgune Feministako kide, bertan lan egiteko ohorea izan nuen.

2016ean Gasteizko legebiltzarrera salto egin nuen, bidean ikasitakoa bertara eramateko asmoz, betaurreko moreekin beti.